ఊరూరి దారుల మీద
ఊరేగింపుల పాదముద్రలు
వాడ వాడల అరుగుల మీద వేదన ఆవేదనల ఆలాపనలు
నాలుగు బాటలు కలసిన పానాదులన్ని
బతుకు బతుకమ్మల ఆటపాటలు
రోడ్డు బస్టాండు మూలమలుపులన్ని
వండి వార్చిన సహపంక్తి బోజన విస్తళ్ళు
చెట్టూ ఆర్చి స్థంబం ఎక్కడి జెండాల్లోనైన
గుండె మ్యాపుల రెప రెపలు
సంటి పిల్లల నుంచి
రాలి పోయే పండు ముసలి పండ్లదాక
మాటా ఒక్కటే ముచ్చటా ఒక్కటే
జైకొట్టే జెండా వొక్కటే
గాలి నేలా చెట్టు చేమా గుట్టా పిట్టా
అస్తిత్వ ఆకాంక్షలు నినాదాలై నినదిస్తున్నై
చక్కగా వుంది.
రిప్లయితొలగించండి