దీపం వత్తి

తెల్లారిందనుకున్న తెలంగాణ కల
మల్లా తెర్లు తెర్లైంది
యాబై మూడేన్ల చెర విముక్తి ప్రకటన
ఒక్క రోజన్నా నిలువలే

తినే ఇస్తరిల మన్ను వోసిడ్రు
కాళ్ళ సందుల కట్టెవెట్టిండ్రు
మంచి నీళ్ళ బాయిల మందు కలిపిండ్రు

అడుగు పెట్టిన నేల మూలుగును
దోసుక తిన మరిగిన వాళ్ళు
డిల్లి మాటలు పార్టి జెండాలు
పాతి పెట్టి కమ్మగా ఒక్కటైండ్రు

ప్రక్రియ మొదలైందన్న పలుకులకు
గట్టిగ తాళం బిగించి
చిదంబరాన్ని సంకలేసుకున్నారు
ఇగ శ్రీకృష్ణ లీలల ఆట రక్తి కడుతది